Breaking News

భర్తతో భార్య గొడవ.. వైద్యులకు దిమ్మతిరిగే షాక్..

కొలంబియా: భార్యాభర్తల మధ్య జరిగిన ఓ గొడవ, అనంతర పరిణామం డాక్టర్లనే కాకుండా ప్రతిఒక్కరినీ ఆశ్చర్యానికి గురిచేస్తోంది. 28 ఏళ్ల వయసున్న ఓ మహిళ అక్షరాలా 5 లక్షల 78 వేల రూపాయల(9 వేల అమెకన్ డాలర్లు)ను మింగేసింది. నమ్మడానికి డబ్బేమైనా రుచికరమైన ఆహారమా? అని సందేహం కలిగినా ఇది అక్షరసత్యం. అమెరికాలోని కొలంబియా నగరానికి చెందిన సండ్రా మిలేనా ఆల్మెడా అనే యువతి, ఆమె భర్త పనామా వెళ్లి అక్కడే స్థిరపడాలని భావించారు. కానీ అనుకోకుండా జరిగిన గొడవ వల్ల వారిద్దరూ విడిపోయారు. ఇంట్లో ఉన్న సామాన్లను అమ్మి చెరి సగం పంచుకోవాలనుకున్నారు. సామాన్లు అమ్మగా 9000 డాలర్లు వచ్చాయి. కానీ మాజీ భర్తకు డబ్బు పంచడం ఇష్టంలేని భార్య డబ్బును ఎక్కడ భద్రపరచాలో తీవ్రంగా ఆలోచింది.

తన కడుపులోనే భద్రంగా ఉంటాయని భావించింది. వెంటనే 100 డాలర్ల నోట్లను గుండ్రంగా చుట్టి మొత్తం డబ్బుని మింగేసింది. అనుకున్న లక్ష్యాన్ని పూర్తి చేసింది. నోట్లపై ప్లాస్టిక్ పూత ఉండడతో కడుపులో జీర్ణం కావు. దీంతో మలవిసర్జతో బయటకు వస్తున్న నోట్లను శుభ్రపరిచి దాచడం మొదలుపెట్టింది. కానీ సమయం పెరుగుతుండడంతో కడుపులో నొప్పి మొదలైంది. దీంతో హుటాహుటిన హాస్పిటల్లో చేరాల్సి వచ్చింది. కడుపులో నొప్పి వస్తోందంటూ వైద్యులకు చెప్పింది. జీర్ణకోశ వ్యాధిగా సమస్యగా భావించిన వైద్యులు ఆపరేషన్ చేసేందుకు కడుపును కోశారు. దీంతో వైద్యులందరూ షాక్‌కు గురయ్యారు. 100 డాలర్ల నోట్లను చూసి అవాక్కయ్యారు. దీంతో అసలు విషయం బయటపడింది. ఆపరేషన్ అనంతరం కడుపులో ఉన్న 5,700 డాలర్లను ఆమెకు అప్పగించారు. విషయం తెలుసుకున్న పోలీసులు నిందితురాలిపై ఎలాంటి కేసూ నమోదు చేయాలనుకోవడంలేదని తెలిపారు.

Check Also

పోలీస్‌ అమరవీరులకు నివాళి

నందిపేట్‌, అక్టోబర్‌ 21 నిజామాబాద్‌ న్యూస్‌ డాట్‌ ఇన్‌ : పోలీస్‌ అమరవీరుల సంస్మరణ దినోత్సవం సందర్భంగా నందిపేట్‌ పోలీస్‌ ...

Leave a Reply

Your email address will not be published. Required fields are marked *