Breaking News

ధాన్యం సేకరణలో సమస్యలు రాకుండా చూడండి

జిల్లా కలెక్టర్‌ రామ్మోహన్‌రావు

నిజామాబాద్‌, మే 9

నిజామాబాద్‌ న్యూస్‌ డాట్‌ ఇన్‌ : రైతుల నుండి సేకరిస్తున్న వరి ధాన్యానికి రైతులు ఇబ్బందులు పడకుండా అవసరమైన చర్యలు తీసుకోవాలని జిల్లా కలెక్టర్‌ రామ్మోహన్‌ రావు అధికారులను ఆదేశించారు. గురువారం ఉదయం తన చాంబర్లో పౌరసరఫరాల శాఖ అధికారులతో ధాన్యం కొనుగోలుపై సమావేశం నిర్వహించారు. ఈ సందర్భంగా మాట్లాడుతూ గోనె సంచులు వీలైనంత ఎక్కువగా అందుబాటులో ఉంచాలని, వాటిని ఎక్కడ నుండి లభిస్తే అక్కడ నుండి తెప్పించాలని తెలిపారు. అదేవిధంగా ధాన్యం సేకరణలో నిర్ణీత సమయంలో రైతుల నుండి ధాన్యాన్ని తీసుకోవడానికి అవసరమైన అదనపు సౌకర్యాలు ఏర్పాటు చేసుకోవాలని తెలిపారు. రవాణా సమస్యలు రాకుండా చూడాలన్నారు.

నిర్ణీత సమయంలో రైతులకు వారి ధాన్యానికి సంబంధించిన చెల్లింపులను వారి ఖాతాల్లో జమ చేయాలని ఆదేశించారు. ప్రతిరోజు ఏ మేరకు నిధులు విడుదల చేయాలో పౌరసరఫరాల కార్పొరేషన్‌కు ఇండెంట్‌ పంపించాలని ఏరోజుకారోజు నిధులు విడుదల చేసేలా హైదరాబాద్‌ అధికారులతో మాట్లాడాలని సూచించారు. తూకంలో కాంటా సమస్యలు రాకుండా చూడాలన్నారు. ఈ సందర్భంగా పౌరసరఫరాల శాఖ అధికారులు కలెక్టర్‌కు వివరిస్తూ వరంగల్‌ నుండి 4 లక్షల గన్నీ బ్యాగులు పంపించాలని కోరామని, కరీంనగర్‌ నుండి 23 లక్షల బ్యాగులు తెప్పిస్తున్నామని ఇందులో ఇప్పటికే 8 లక్షలు చేరుకున్నాయని మరో లక్షన్నర ఈరోజు వస్తున్నాయన్నారు. శాఖ వద్ద 1.25 లక్షల బ్యాగులు అందుబాటులో ఉన్నాయని తెలిపారు.

ముప్పై ఏడు లక్షల బ్యాగులకు గాను సప్లయర్‌ నుంచి ఇంకా 15 లక్షలు రావల్సి ఉందని తెలిపారు. ప్రతిరోజు రెండు లక్షల గన్నీ బ్యాగులు వచ్చేలా చర్యలు తీసుకుంటున్నామని తెలిపారు. ఇప్పటివరకు 112.8 కోట్ల రూపాయలు రైతులకు ధాన్యం ధర చెల్లించామన్నారు. వీలైనంత త్వరగా ధాన్యాన్ని తీసుకోవడంతోపాటు చెల్లింపులు కూడా చేయడానికి చర్యలు తీసుకుంటున్నామన్నారు. సమావేశంలో సంయుక్త కలెక్టర్‌ వెంకటేశ్వర్లు, డిసిఎస్‌ఓ కష్ణ ప్రసాద్‌, డిఎంసిఎస్‌ హరికష్ణ తదితరులు పాల్గొన్నారు.

Check Also

ఆరోగ్య సేవలపై జాయింట్‌ డైరెక్టర్‌ సమీక్ష

కామారెడ్డి, మే 18 నిజామాబాద్‌ న్యూస్‌ డాట్‌ ఇన్‌ : కామారెడ్డి జనహిత సమావేశ మందిరంలో శనివారం మాతా శిశు ...

Leave a Reply

Your email address will not be published. Required fields are marked *