Breaking News

సిఎంసిని పరిశీలించిన కలెక్టర్‌

నిజామాబాద్‌, మే 12

నిజామాబాద్‌ న్యూస్‌ డాట్‌ ఇన్‌ : పార్లమెంట్‌ ఎన్నికల ఈవీఎంలు భద్రపరిచిన డిచ్‌పల్లిలోని సీఎంసీని జిల్లా కలెక్టర్‌ రామ్మోహన్‌ రావు పర్యటించి పరిశీలించారు. ఆదివారం ఆయన క్రిస్టియన్‌ కళాశాలలో పర్యటించి పార్లమెంట్‌ ఎన్నికలకు సంబంధించి ఈవిఎంలను భద్రపరిచిన రూములను వాటికి వేసిన సీల్‌లను పరిశీలించారు. సెక్యూరిటీ సిబ్బందిని, అందుబాటులో ఉన్న అధికారులను వివరాలు అడిగి తెలుసుకున్నారు. విజిటర్స్‌ రిజిస్టర్లో పర్యటించిన వారి వివరాలను పరిశీలించారు.

రిజిస్టర్లో తాను పర్యటించిన వివరాలను నమోదు చేశారు. గుర్తింపు కార్డులు ఉన్న వారిని మాత్రమే లోనికి అనుమతించాలని ఇతరులను అనుమతించకూడదని, సెల్‌ఫోన్లను వెంట తీసుకవెళ్లవద్దని ముందే చెప్పాలని అన్నారు. స్ట్రాంగ్‌ రూమ్‌లకు ఉన్న సీళ్లను జాగ్రత్తగా గమనిస్తుండాలని భవనంలోకి ముందస్తు అనుమతి గుర్తింపు కార్డు ఉన్నవారు ఎవరెవరు వస్తున్నారో వారి వివరాలను తప్పకుండా రిజిస్టర్లో నమోదు చేయించాలని ఆయన సెక్యూరిటీ అధికారులను ఆదేశించారు.

Check Also

40 వేల సభ్యత్వం పూర్తిచేయాలి

కామారెడ్డి, జూలై 17 నిజామాబాద్‌ న్యూస్‌ డాట్‌ ఇన్‌ : భారతీయ జనతా పార్టీ కామారెడ్డి అసెంబ్లీ సభ్యత్వ నమోదు ...

Leave a Reply

Your email address will not be published. Required fields are marked *