Breaking News

యువతను తనకు తాను పరిచయం చేసేవి వివేకానంద బోధనలు

నిజామాబాద్‌, జనవరి 12

నిజామాబాద్‌ న్యూస్‌ డాట్‌ ఇన్‌ : యువతలో నిక్షిప్తమైన అపార శక్తిని వెలికి తీయడంలో, యువతను ప్రేరేపించడంలో యువతను సద్మార్గంలో నడిపించడంలో వివేకానంద స్వామి బోధనలకు మించి మరొకటి ఈ భూమండలంపైన లేదని తెలంగాణ జాగతి రాష్ట్ర నాయకులు నరాల సుధాకర్‌ అన్నారు. స్వామి వివేకానంద 159వ జయంతి సందర్భంగా నిజామాబాద్‌ నగరం గాజుల పేటలో గల వివేకానంద విగ్రహం వద్ద పూలమాలలు వేసి ఘన నివాళులు అర్పించారు.

ఈ సందర్భంగా నరాల సుధాకర్‌ మాట్లాడుతూ ప్రపంచమంతా మనదేశం వైపు చూసేలా చేసిన మహోన్నత వ్యక్తి వివేకానందుడు అని, లే మేల్కొని సాధించు అంటూ యువతరానికి మార్గనిర్దేశం చేసిన మహనీయుడు వివేకానంద అన్నారు. భారతదేశ గొప్పతనాన్ని ప్రపంచమంతా వెదజల్లిన గొప్ప హాలికుడు భారత ముద్దుబిడ్డ స్వామి వివేకానంద అని అన్నారు. కార్యక్రమంలో జాగృతి సభ్యులు అపర్ణ, రాజేష్‌, హరీష్‌, శంకర్‌, సందీప్‌, గోపాల్‌, వసంత, సరిత, రేఖ తదితరులు పాల్గొన్నారు.

Check Also

కోవిడ్‌ పేషంట్‌ల‌తో మాట్లాడిన కలెక్టర్‌

నిజామాబాద్‌, మే 25 నిజామాబాద్‌ న్యూస్‌ డాట్‌ ఇన్‌ : ఆరోగ్య కార్యకర్తలు మీ ఇంటికి ప్రతిరోజు వస్తున్నారా మీకు ...

Comment on the article