Breaking News

రైతులను వ్యాపారులుగా మార్చడానికే రైతు చట్టాలు

కామారెడ్డి, డిసెంబర్‌ 17

నిజామాబాద్‌ న్యూస్‌ డాట్‌ ఇన్‌ : రైతులను వ్యాపారులుగా మార్చడానికే రైతు చట్టాలు రూపొందించడం జరిగిందని బీజేపీ రాష్ట్ర కార్యదర్శి జయశ్రీ తెలిపారు. నెల రోజులుగా రైతు బిల్లులపై రకరకాల ఊహాగానాలు వినిపిస్తున్నాయని, బిల్లులను అర్థం చేసుకోవాల్సిన అవసరం ఎంతైనా ఉందన్నారు. రైతులను రైతులుగానే ఉంచడానికి ఇవన్నీ చేస్తున్నారని విమర్శించారు. జిల్లా కేంద్రంలో బీజేపీ నాయకులు మీడియా సమావేశం నిర్వహించారు.

సమావేశంలో బీజేపీ రాష్ట్ర కార్యదర్శి జయశ్రీ మాట్లాడుతూ దేశం మొత్తంలో ఢిల్లీలో జరుగుతున్న నిరసనలో పంజాబ్‌, హర్యానా రైతులు తప్ప ఇతర రాష్ట్రాల రైతులు లేరని, నిజమైన రైతులు నిరసన చెప్పడం లేదని, వారు చట్టాలకు అంకుకులంగా ఉన్నారని వివరించారు. బీజేపీని వేలెత్తి చూపించడానికి మాత్రమే నిరసనలు చేస్తున్నారని పేర్కొన్నారు. రైతులపై రాజకీయ పార్టీలు మొసలి కన్నీరు కారుస్తున్నాయని విమర్శించారు.

కొత్త చట్టాలతో రైతులకు మేలు జరుగుతుందన్నారు. రైతు పండించిన పంట ఎక్కడైనా రైతుకు నచ్చిన ధరకు అమ్ముకునే స్వేచ్ఛను చట్టం కల్పిస్తోందని పేర్కొన్నారు. దేశంలో ఉన్న మార్కెట్‌ యార్డులను తొలగించడం లేదని స్పష్టం చేశారు. రైతులను ప్రేరేపిస్తున్నవారు రైతులను రైతులుగానే ఉండాలని చూస్తున్నారని తెలిపారు.

రైతుల ద్వారా వారికి 2 వేల 500 కోట్ల ఆదాయం వస్తుందని, అది ఎక్కడ పోతుందోనని భయపడుతున్నారన్నారు. రైతులు పండించిన పంట ఇంటర్నేషనల్‌ మార్కెట్‌కు వెళ్ళాలని తెలిపారు. దేశంలో ఉన్న 55 శాతం మంది రైతులకు ఉపయోగపడే చట్టమని, రాజకీయాలతో సంబంధం లేకుండా చట్టానికి మద్దతివ్వాలని కోరారు. రైతు చట్టాన్ని వ్యతిరేకిస్తున్న వారికి అర్థమయ్యేలా చెప్తామని తెలిపారు.

Check Also

సోమవారం ప్రజావాణి రద్దు

కామారెడ్డి, ఏప్రిల్‌ 25 నిజామాబాద్‌ న్యూస్‌ డాట్‌ ఇన్‌ : కరోనా నేపథ్యంలో జిల్లా కలెక్టర్‌ కార్యాల‌యంలో ప్రతి సోమవారం ...

Comment on the article